माइनस ४६.२ डिग्री सेल्सियस तापक्रमले मंगोलियाको जनजीवन अस्तव्यस्त भएको छ।
मिति: २०२३-१२-१६ , समय : १५:५९:३४ , Our Pradesh
Our Pradesh
मंगोलिया । चिसोका कारण मंगोलियाको जनजीवन प्रभावित बनेको छ । मंगोलियाको अधिकांश भूभागमा तापक्रम घट्दै गएपछि जनजीवन कष्टकर बनेको हो ।
बिहीवारदेखि पश्चिमी मङ्गोलियन प्रान्त जाभखानको प्रशासनिक उपविभाग टेस सोममा तापक्रम माइनस ४६.२ डिग्री सेल्सियसमा झरेको छ ।
देशका अन्य भागमा पनि माइनस २१ डिग्री सेल्सियसभन्दा बढी चिसो रहेको मंगोलियन मौसम विभागले जनाएको छ । आगामी केही दिन अझै देशभर हिउँपर्ने क्रम जारी रहने अनुमान गरिएको छ।
मौसम विभागले सम्भावित प्रकोपहरूबाट थप सावधानी अपनाउन आग्रह गरेको छ ।
प्रकाशित मिति: २०२३-१२-१६ , समय : १५:५९:३४ , १ वर्ष अगाडि
