आइसिसीको” डिजिटल फ्यान इन्गेजमेन्ट” अवार्ड नेपालले जित्यो।
मिति: २०२४-०७-१७ , समय : २३:१६:१४ , पारस मण्डल
पारस मण्डल
विराटनगर : अन्तरराष्ट्रिय क्रिकेट काउन्सिल (आईसीसी)को ‘डिजिटल फ्यान इन्गेजमेन्ट अफ दी इयर अवार्ड’ नेपालले जितेको छ। २१ एसोसिएट राष्ट्रहरूलाई पछि पार्दै नेपालले अवार्ड जितेको नेपाल क्रिकेट संघ (क्यान)ले जनाएको छ।
क्रिकेटका अत्यधिक दर्शक रहेको नेपाल यसअघि एशिया क्षेत्रबाट यो अवार्डका लागि छानिएको थियो। आईसीसीले नेपाली क्रिकेटको डिजिटल माध्यम फेसबुकमा ४ सय प्रतिशतले बढेकोसमेत जनाएको छ।
त्रिवि क्रिकेट मैदान कीर्तिपुरमा दर्शकहरु रुखमा चढेर क्रिकेट हेरिरहेका तस्वीरहरु सामाजिक सञ्जालमा भाइरल भएका थिए।
आईसीसीले नेपालसँगै अरु ५ वटा देशलाई पनि आईसीसी विकास पुरस्कारबाट सम्मान गरेको छ। एक वर्षमा उत्कृष्ट कार्यसम्पादनसहित क्रिकेटमा महत्वपूर्ण भूमिका खेलेको आधारमा आईसीसीले ६ उदीयमान देशहरुलाई यो अवार्डबाट सम्मानित गरेको हो।
अवार्ड पाउनेमा नेपालसहित मेक्सिको, ओमान, स्कटल्याण्ड, यूएई र नेदरल्याण्डस रहेका छन्।
प्रकाशित मिति: २०२४-०७-१७ , समय : २३:१६:१४ , ९ महिना अगाडि
