०८ बैशाख २०८२, सोमबार || 2025-04-21
मिति: २०२४-०७-२१ , समय : २०:५१:०३ , Our Pradesh
Our Pradesh
विराटनगर। विराटनगर–३ मा पाथिभरा मेनपावर सप्लायर्सको कार्यालयमा लुटपाट भएको छ। । निर्माण व्यवसायी विवेक कर्णको कार्यालयबाट आइतबार करिब दिउँसो ३ बजे १४ लाख ४७ हजार रुपैयाँ मोटरसाइकलमा आएका दुई जना लुटेराले लुटेर फरार भएको व्यवसायीले बताए।
उद्योगहरूमा कामदार पठाउने पाथीभरा म्यानपावर सप्लायर्सबाट रकम लुटपाट भएको उनले बताए । ‘लेभरको पेमेन्ट दिनको लागि विराटनगरको कञ्चनबारीस्थित एभरेस्ट बैंकबाट दिउँसो मेरो ज्वाइँ अमरेशकुमार कर्णले १४ लाख ४७ हजार रुपैयाँ लिएर अफिसमा आइपुग्नुभएको थियो । मोटरसाइकलमा आएका दुई जनामध्ये एक जना फोनमा बोल्दै भित्र आए । ब्यागमा राखिएको रकम लिएर फरार भए । त्यसपछि हामीले पनि लखेट्यौँ । मोटरसाइकलमा बसेर लुटेरा आयल निगम तिर हुँदै फरार भए,’ कर्णले भने, ‘प्रहरीमा पनि जानकारी गराइसके छ । अहिलेसम्म प्रहरी पनि आइपुगेको छैन
यता मोरङ प्रहरीका प्रवक्ता डीएसपी ज्ञानेन्द्रबहादुर बस्नेतले अहिलेसम्म प्रहरीमा खबर नआएको बताए । ‘लुटपाट भयो भनेर हामीलाई खबर आएको छैन,’ उनले भने, ‘घटना के रहेछ हामी यस विषयमा बुझ्नेछौँ ।’
प्रकाशित मिति: २०२४-०७-२१ , समय : २०:५१:०३ , ९ महिना अगाडि
