सुनवर्षीमा नगरपालीका औषधि प्रशासन विभागको छापा

पारस मण्डल

रङ्गेली | सुनवर्षी नगरपालिकामा औषधि प्रशासन विभाग (डीडीए) र नगरको संयुक्त टोलीले अनुगमन गरेका छन् ।

सुनबर्सी नगरपालिकाको स्वास्थ्य शाखा प्रमुख किशोर कुमार मण्डल र अनुगमन शाखाको संयोजक उपमेयर मिरादेवी दास र औषधि प्रशासन विभाग को नेतृत्वमा बिहीबार १० गते नगरपालिकाभित्र रहेका सम्पूर्ण औषधि पसल, निजी स्वास्थ्य क्लिनिक, आयुर्वेद क्लिनिक र स्वास्थ्यसँग सम्बन्धित संस्थाहरूमा संयुक्त अनुगमन गरेको छ।

अनुगमनको क्रममा औषधि पसलहरूको नवीकरण भएको छ कि छैन, स्वीकृति लिएको छ कि छैन र क्लिनिकहरु कसबाट सञ्चालन भइरहेको छ । जस्ता कुराहरूलाई जाँच गरिएको थियो। धेरैजसो पसलहरू स्वीकृति नलिई सञ्चालन भएको, नवीकरण फेल भएको र नगरपालिकामा कुनै पनि दर्ता नगरिकन सञ्चालन गरेको देखियो ।

नगरपालिकाले यस्ता पसलहरूलाई सात दिनभित्र नगरपालिकामा आएर नवीकरण गर्न वा कागजातहरू मिलाएर स्वीकृति लिन अल्टिमेटम दिएको छ। उपमेयर मिरा देवी दासले पुनः अनुगमन गर्दा यसैगरी अनियमितता देखिएमा जरिवाना तथा पसल बन्द गर्ने चेतावनी पनि दिइन्।

स्वास्थ्य प्रमुख किशोर कुमार मण्डलका अनुसार अनुगमनको क्रममा धेरै पसलहरू बन्द गरेर भागेका थिए। यस अनुगमनले नगरपालिका भित्रका स्वास्थ्य सेवामा सुधार ल्याउने आशा गरिएको छ।

प्रकाशित मिति: २०२४-०७-२७ , समय : २१:०२:०७ , ८ महिना अगाडि