धनराज गुरुङ र ज्योति गुरुङमाथि सहकारी रकम हिनामिनाको आरोप, संसदीय समितिले कारबाहीको निर्देशन

Our Pradesh

काठमाडौँ — कांग्रेस उपसभापति धनराज गुरुङले सम्बन्ध विच्छेद गरेकी पत्नी ज्योति गुरुङसँग मिलेर मितेरी बचत तथा ऋण सहकारीको बचत रकम हिनामिना गरेको उजुरीका आधारमा संसदीय छानबिन समितिले कानुनी कारबाही अघि बढाउन निर्देशन दिएको छ। सहकारी संस्थामा बचत रकम दुरुपयोग सम्बन्धमा शुक्रबार सार्वजनिक भएको छानबिन समितिको प्रतिवेदनमा कतिपय समस्याग्रस्त सहकारीहरूले संस्थागत नक्कली अभ्यास गरेको पाइएको छ।

प्रतिवेदनमा, कतिपय व्यक्तिले सहकारीको रकम हिनामिनाका लागि नक्कली विवाहसमेत गर्ने गरेको चर्चा रहेको उल्लेख छ। विशेषगरी, मितेरी बचत तथा ऋण सहकारीमा कार्यरत ज्योति गुरुङले सम्बन्ध विच्छेद गरेका पति धनराज गुरुङसँग एकै घरमा बसेर सहकारीको रकम दुरुपयोग गरेको आरोप लागेको छ। यो मुद्दामा प्रदेश सहकारी रजिष्ट्रारको कार्यालय, हेटौंडामा उजुरी परेको थियो, जसको अनुसन्धान केन्द्रीय अनुसन्धान ब्युरो (CIB)ले गरिरहेको छ।

 

समितिले यो विषयमा थप अनुसन्धान गरी छिट्टै कानुनी कारबाही अघि बढाउन निर्देशन दिएको छ। प्रतिवेदनअनुसार, धनराज गुरुङ र ज्योति गुरुङको सम्बन्ध विच्छेदको मिलापत्र फैसला अनुसूची–२३ मा प्रस्तुत गरिएको छ, जसको आधारमा उनीहरूलाई सहकारीको बचत रकम हिनामिनाको आरोपमा कारबाहीको लागि प्रक्रिया सुरु गर्नुपर्ने भनिएको छ।

 

संसदीय छानबिन समितिको अन्तिम बैठकमा यस मुद्दामा कानुनी कारबाहीको प्रक्रिया शिघ्र अगाडि बढाउन विशेष निर्देशन दि

इएको छ।

 

प्रकाशित मिति: २०२४-०९-२० , समय : १८:५४:०७ , ७ महिना अगाडि