देशभर मनसुनी प्रभाव: भारी वर्षासँगै बाढी, पहिरो र डुबानको जोखिम
मिति: २०२४-०९-२७ , समय : १०:२८:२१ , Our Pradesh
Our Pradesh
देशभर मनसुनी प्रभाव: भारी वर्षासँगै बाढी, पहिरो र डुबानको जोखिम
देशभर मनसुनी वायुको प्रभाव रहनुका साथै उत्तर मध्य महाराष्ट्र र आसपासका क्षेत्रमा रहेको न्यून चापीय प्रणालीको प्रभाव पनि परेको छ, जसको जानकारी जल तथा मौसम विज्ञान विभागले दिएको छ। मुलुकका अधिकांश भागमा साधारणतया बदलीदेखि पूर्णतया बदली रहेको छ। देशका अधिकांश स्थानमा मेघ गर्जन र चट्याङसहित हल्कादेखि मध्यम वर्षा भइरहेको छ भने आज दिउँसो पनि देशभर यस्तो अवस्था रहिरहनेछ।
विभागले आज बिहान जारी गरेको मौसम बुलेटिन अनुसार, कोशी, मधेश, बागमती, गण्डकी र लुम्बिनी प्रदेशका धेरै स्थानमा र बाँकी प्रदेशका केही स्थानमा मेघ गर्जन र चट्याङसहित हल्कादेखि मध्यम वर्षाको सम्भावना छ। साथै, राति पनि देशभर साधारणतया बदलीदेखि पूर्णतया बदली रहनेछ। बागमती, गण्डकी, लुम्बिनी र सुदूरपश्चिम प्रदेशका धेरै स्थानमा हल्कादेखि मध्यम वर्षा हुने सम्भावना छ भने बाँकी प्रदेशका केही स्थानमा पनि यस्तै अवस्था देखिनेछ।
बुलेटिनमा थप भनिएको छ कि, बागमती, गण्डकी, लुम्बिनी प्रदेशका केही स्थान तथा बाँकी प्रदेशका एक–दुई स्थानमा भारी वर्षा हुनसक्छ। यसैगरी, बागमती, गण्डकी, र लुम्बिनी प्रदेशका एक–दुई स्थानमा धेरै भारी वर्षा हुने सम्भावना छ। यसबाहेक, तराईका केही स्थानमा हुरी चल्नसक्ने चेतावनी दिइएको छ।
आगामी २४ घण्टामा, कोशी, मधेश, बागमती, गण्डकी र लुम्बिनी प्रदेशका धेरै स्थानमा र बाँकी प्रदेशका केही स्थानमा मेघ गर्जन र चट्याङसहित हल्कादेखि मध्यम वर्षा हुने सम्भावना छ। साथै, कोशी, बागमती, गण्डकी र लुम्बिनी प्रदेशका एक–दुई स्थानमा धेरै भारी वर्षा हुनसक्ने भएकाले ती क्षेत्रका नदी तथा खोलामा पानीको सतह बढ्नसक्ने र बाढी, पहिरो तथा डुबानको जोखिम बढ्नसक्ने सम्भावना छ।
जल तथा मौसम विज्ञान विभागले ती क्षेत्रका सर्वसाधारणलाई बाढी, पहिरो र डुबानको जोखिमबाट बच्न सतर्कता अपनाउन अनुरोध
गरेको छ।
प्रकाशित मिति: २०२४-०९-२७ , समय : १०:२८:२१ , ७ महिना अगाडि
