ग्रामथान गाउँपालिकाको अध्यक्ष पदका लागि १६ उम्मेदवारको प्रतिस्पर्धा
मिति: २०२४-११-१७ , समय : २२:०८:२२ , पारस मण्डल
पारस मण्डल
विराटनगर, रङ्गेली। मोरङको ग्रामथान गाउँपालिकाको अध्यक्ष पदका लागि आसन्न उपनिर्वाचनमा १६ जनाले उम्मेदवारी दिएका छन्। मुख्य निर्वाचन अधिकृतको कार्यालयका अनुसार एक जना स्वतन्त्र र विभिन्न दलका १५ जनाले आइतबार मनोनयन दर्ता गराएका हुन्।
उम्मेदवारहरूमा राष्ट्रिय प्रजातन्त्र पार्टी (राप्रपा)बाट दिनेशकुमार थन्दार, राष्ट्रिय स्वतन्त्र पार्टी (रास्वपा)बाट नवीनकुमार विश्वास, नेकपा (एमाले)बाट तुलसीराम विश्वास, जनता समाजवादी पार्टी (जसपा)बाट धर्मेन्द्रकुमार चौधरी, माओवादी केन्द्रबाट नमोनारायण माझी, नेपाली कांग्रेसबाट बलराम सरदार, नेमकिपाबाट पर्शुराम विश्वास थारू, मंगोल नेशनल अर्गनाइजेसनबाट भरत राई, नेपाल समाजवादी पार्टीबाट रामकुमार चौधरी, जनमत पार्टीबाट विनोदकुमार माझी, नागरिक उन्मुक्ति पार्टीबाट बुद्धिचन विश्वास, नेकपा (एकीकृत समाजवादी)बाट दिलबहादुर विश्वकर्मा, राप्रपा नेपालबाट राजु मुसहर र समावेशी समाजवादी पार्टीबाट बोधनारायण माझी रहेका छन्।
(नेकपा माओवादी उम्मेदवार)
यसका साथै, नमनारायण चौधरीले स्वतन्त्र उम्मेदवारी दिएका छन्। उनले एमालेविरुद्ध बागी उम्मेदवारी दर्ता गरेका हुन्।
निर्वाचन कार्यक्रमअनुसार उम्मेदवारको विरोधमा उजुरी मंसिर ३ गतेसम्म दिन सकिनेछ। उजुरीमाथि छानबिन मंसिर ४ गते गरिनेछ र त्यसपछि उम्मेदवारको नामावली प्रकाशन गरिनेछ।
ग्रामथानमा कुल २६,०४४ मतदाता रहेका छन्। संघीयतापछिको पहिलो स्थानीय तहको निर्वाचनमा एमालेका शिवनारायण माझी ग्रामथानको नेतृत्वमा निर्वाचित भएका थिए। तर, पछिल्लो निर्वाचनमा कांग्रेसका बलराम गच्छदारले माझीलाई पराजित गरेका थिए। गच्छदारको निधनपछि हाल उपाध्यक्ष गुणावतिदेवी थारूले कार्यबाहक अध्यक्षको भूमिका निभाउँदै
आएकी छन्।
प्रकाशित मिति: २०२४-११-१७ , समय : २२:०८:२२ , ५ महिना अगाडि
