शेखर कोइरालाको आलोचना: ‘विनाशकाले विपरीत बुद्धि!’
मिति: २०२५-०३-२५ , समय : ११:३५:२५ , Our Pradesh
Our Pradesh
शेखर कोइरालाको आलोचना: ‘विनाशकाले विपरीत बुद्धि!’
काठमाडौं : नेपाल विद्युत् प्राधिकरणका कार्यकारी प्रमुख कुलमान घिसिङलाई पदमुक्त गर्ने सरकारको निर्णयप्रति नेपाली कांग्रेसका नेता डा. शेखर कोइरालाले कडा असन्तुष्टि जनाएका छन्।
मंगलबार सबेरै सामाजिक सञ्जालमा टिप्पणी गर्दै उनले यो निर्णयलाई सरकारको कुशासनको अर्को कडीको रूपमा ब्याख्या गरेका छन्।
“कुलमान घिसिङलाई हटाउने सरकारी निर्णयको पुष्टि न कहिल्यै सरकारले गर्न सक्छ, न पार्टीले। नेपाली कांग्रेसले त यसको स्वामित्व लिनै हुन्न,” कोइरालाले लेखेका छन्, “यसरी कति दिन चल्ने र चलाउने? विनाशकाले विपरीत बुद्धि!”
गएको सोमबार साँझ बसेको मन्त्रिपरिषद् बैठकले प्राधिकरणका कार्यकारी प्रमुख घिसिङलाई पदमुक्त गर्ने निर्णय गरेको
थियो।
प्रकाशित मिति: २०२५-०३-२५ , समय : ११:३५:२५ , १ हप्ता अगाडि
