राजावादी आन्दोलनमा २० जनामाथि गोली चलेको प्रहरीको पुष्टि, ५५ नेपाल प्रहरी घाइते
मिति: २०२५-०४-०२ , समय : १९:०९:०१ , Our Pradesh
Our Pradesh
नेपाल प्रहरीले चैत १५ गते भएको राजावादी आन्दोलनका क्रममा २० जनामाथि गोली चलेको पुष्टि गरेको छ। आज आयोजित पत्रकार सम्मेलनमा प्रहरी प्रवक्ता डीआईजी दिनेश आचार्यले सो जानकारी दिएका हुन्।
उनका अनुसार गोली लाग्नेहरूमा २ महिला र १८ पुरुष छन्। घाइतेमध्ये १३ जना अस्पतालमा उपचाररत रहेका छन्।
आचार्यले आन्दोलनका क्रममा प्रहरीले जम्मा ५८ राउन्ड गोली प्रहार गरेको जानकारी दिए। यस्तै, ७४६ राउन्ड टियर ग्यास र १९२ पटक ब्ल्यांक फायर गरिएको थियो। साथै, दुईवटा गोली पेस्तोलबाट प्रहार भएको उनले बताए।
प्रदर्शनका क्रममा प्रदर्शनकारीको आक्रमणबाट ५५ नेपाल प्रहरी र २३ सशस्त्र प्रहरी घाइते भएको जनाइएको छ। त्यस्तै, प्रहरीको बल प्रयोगबाट ५३ जना प्रदर्शनकारी घाइते भएको आचार्यले जानकारी
- दिए।
प्रकाशित मिति: २०२५-०४-०२ , समय : १९:०९:०१ , २ दिन अगाडि
