अमेरिकाको टेक्सासमा नेपाली विद्यार्थी मुना पाण्डे मृत फेला

दिनेश पौडेल

काठमाडौं : अमेरिकाको टेक्सासस्थित ह्युस्टनमा नेपाली विद्यार्थी मुना पाण्डे मृत फेला परेकी छिन्। भोजपुरकी पाण्डे ह्युस्टन कम्युनिटी कलेजमा अध्ययनरत थिइन् र तीन वर्षअघि, सन् २०२१ मा अध्ययनका लागि अमेरिका पुगेकी थिइन्।

सोमबार साँझ उनी छातीमा गोली लागेको अवस्थामा आफ्नो अपार्टमेन्टमा भेटिएकी थिइन्। घटनाबारे जानकारी पाएपछि प्रहरीलाई तुरुन्तै खबर गरिएको थियो। सोमबार बेलुका ५ बजेर ३५ मिनेटमा प्रहरी घटनास्थलमा पुगेपछि उनलाई मृत अवस्थामा फेला पारेको ह्युस्टन प्रहरीले जानकारी दिएको छ।

हालसम्म घटनामा संलग्न कुनै संदिग्ध पत्ता लागेको छैन र अनुसन्धान जारी छ। मुना पाण्डेको परिवारलाई घटनाबारे सूचित गरिएको छ। उनकी आमा अनिता पाण्डे अधिकारी, जो काठमाडौंमा बसोबास गर्छिन्, उनलाई यो दुखद घटनाबारे जानकारी दिइएको हो। नेपाली एसोसिएसन अफ ह्युस्टनका प्रथम उपाध्यक्ष द्रोण गौतमले यसबारे पुष्टि गरेका छन्।

ह्युस्टन प्रहरीले यस घटनाको गहन अनुसन्धान गरिरहेको जानकारी गराएका छन्।

प्रकाशित मिति: २०२४-०८-२८ , समय : ००:१३:३६ , ८ महिना अगाडि